Vitum er ein teknisk totalentreprenør som leverer tenester til alle typar bygg og anlegg. Gjennom 20 år har vi utvikla trygge og effektive arbeidsmodellar som sikrar gjennomføring av alle byggetrinn, enten det gjeld prosjektering, implementering eller vidare drift og vedlikehald.
Gode og velfungerande løysingar er som regel eit resultat av eit godt og velfungarende samarbeid. Vitum jobbar derfor tett med oppdragsgjevar, og gjennom konstruktive dialogar og fleksible prosjekteringsverkty sikrar vi at behov og ønske blir ivaretekne.
Uansett omfang og tidslengd har Vitum som mål å sørgje for ei mest mogleg problemfri prosjektgjennomføring.
Vitum kan vere med heilt frå start til slutt i byggeprosessen, eller levere tenester undervegs om det er ønskjeleg. Vi er godt vane med begge deler og målet vårt vil alltid vere det same: funksjonelle, driftssikre og brukarvennlege tekniske anlegg for sluttbrukar.
Ønske, behov og tekniske grensesnitt blir tidleg kartlagt, slik at dei kan bli implementert i dei rette fasane av prosjektet. Vi tilbyr kundane eit kontaktpunkt for teknisk entreprise med klare ansvarsforhold, enkel administrasjon, effektiv og problemfri gjennomføring og redusert risiko.
Med over 100 kvalifiserte handverkarar er Vitum eit av dei største tekniske entreprenørselskapa på Sunnmøre.